Listeners:
Top listeners:
play_arrow
KonfamFM 89.5 We Dey For You
Lagos State Domestic and Sexual Violence Agency (DSVA) don expand dia relationship support services for residents of Lagos to help stop abuse before e start. For statement wey dem share on Tuesday for dia X handle @Lagosdsva, di agency say di service go give confidential guidance to singles and couples across di state. Dem explain say di programme go cover pipo wey dey date, those wey dey prepare for marriage, […]
Lagos State Gornment say, like dis now dem dey expect nothing less than 40,000 tourists and pipo wey go participate for di 2026 Lagos Fanti Carnival. Madam Commissioner for Tourism, Arts and Culture, Toke Benson-Awoyinka, na im dey yarn dis one for news tuk on Tuesday. Madam Commissioner say security go mount every wia for di event wey go hold on April 6, 2026, for Tafawa Balewa Square (TBS), Lagos. […]
Naija Education Minister, Dr Tunji Alausa, like dis na, dey look for serious business pipo to hellep fix education through di Nigeria Education Sector Renewal Initiative (NESRI). Oga Education minister yan dis one for roundtable breakfast tuk tuk wey im do with stakeholders and top business pipo for Lagos. Alausa say, di new move go bring beta management to wi schools, and e go hellep Naija schools compete with resof […]
Ogbonge report from police headquarters Abuja, say Lagos state don get new Commissioner of Police after dem promote some senior officers. According to oga inspector general of police Olatunji Disu, CP Fatai Tijani go now be Lagos police commissioner, taking over from CP Olohundare Moshood Jimoh wey don become Assistant Inspector-General of Police. Say AIG Jimoh na im go dey lead Zone 2 Command wey cover Lagos and Ogun states. […]
Federal Gornment on Tuesday for Apapa, Lagos, officially don launch National Single Window project, dat is ogbonge online registration for importers. Minister of Finance, Wale Edun, na im dey ground run di parole. Edun explain say dem dey do am to reduce plenty katakata for trade, and make am easy for importers and exporters to do business.
By: Esther Ayoola A woman wey just return from United Kingdom come attend wedding for Abeokuta don go kpai for road crash along Lagos-Ibadan Expressway. Ogun State Traffic Compliance and Enforcement Corps tuk, tuk, Babatunde Akinbiyi ni confirm to tori pipo, say di askident hapun around 6 p.m. on Monday when di white Toyota Camry wey dem take dey travel jam one moving truck. Akinbiyi say di woman kpai on […]
By: Esther Ayoola Ogun State Police don start investigation say, one eight-month-old pikin suffer sexual assault for one private school for Ogun State. Di pikin mama, Gloria Umukoro ni carry di mata dey tuk, say di mata sup on Wednesday, March 18, for di same school wey she dey work. She explain say di pikin dey under di care of di school principal while she bin dey teach lesson for […]
By: Esther Ayoola Lagos State Health District One (LSHD1) don start one ogbonge hospital programme on Monday for Orile Agege General Hospital to bring quick response for pregnant women, to reduce maternal and neonatal deaths. Permanent Secretary of LSHD one, Dr Sola Pitan, clear tori pipo say di programme go make PHCs and secondary hospitals dey work together and hellep health workers sabi danger signs early. According to W.H.O report, […]
By: Esther Ayoola Lagos State Taskforce don arrest five street boys wey dem dey call “Omotaku” for Aboru–Abule-Egba area of Abeokuta Expressway on Monday. Di suspects, wey include Alade Olarewaju, Oluwadamilare Alabi, Sunday Idowu, Rabiu Ibrahim, and Raji Yusuf, say dem catch dem, afta one motorist call di Taskforce say dem wan extort am. Chairmo of di Taskforce, CSP Adetayo Akerele, yarn for statement say dem bin dey even track […]
We no be just radio, we be your guy, your gist partner, your street connect! With compassion, community, and comedy, we bring you vibes wey go make sense.
We dey kind for heart, on-time with the gist, near to the people, family by nature, always available, and plenty more!
Anywhere you dey, anytime, Konfam dey for you!
