Listeners:
Top listeners:
play_arrow
KonfamFM 89.5 We Dey For You
By : Jolayemi Olajide Unto di World cup update, Argentina dey face Austria for dia World Cup Group J match today by 6 p.m. Nigerian time. While France go also meet Iraq for Group I clash by 10 p.m. Nigerian time, with Kylian Mbappé and im teammates ready to push for another victory. Both matches go be big test as teams dey try secure beta position for dia group stage run.
By : Jolayemi Olajide Gbege don burst for Federal High Court Abuja as DSS witness go tuk wetin im see, say former Kaduna Govo, Nasir El-Rufai, confess say e wiretap di phone of National Security Adviser, Nuhu Ribadu. Di witness, Deji Adeyanju, tell di judge on Monday say na El-Rufai open mouth konfam dis tin during one live interview for TV sit down tuk Adeyanju, wey be de second person to testify against El-Rufai, tuk say e dey di TV […]
By: Jolayemi Olajide Motorists and passengers wey dey use Iwo Road interchange for Ibadan suffer heavy traffic on Monday as dem protest block di busy road and scata movement for di area. Di protesters, under di Take It Back Movement, gather for di junction around 10 a.m. to demand make authorities release di Oyo schoolchildren and teachers wey kidnappers carry go. Di protest cause serious go slow as many commuters and business owners struggle to continue dia daily activities.
By: Yusuf Abuh One truck driver, Peter Francis, dey hospital dey fight to save im leg afta police shoot am over ₦500 bribe for checkpoint along Ketu-Epe-Ikorodu Road for Lagos. Im lawyer, Olatunji Ajayi, talk say Francis obey di police when dem stop am, but e tell di officer say e no get cash again because e don use im last money buy food. Lagos State Police PRO, Abimbola Adebisi, don confirm di shooting but she talk say wetin really […]
By : Jolayemi Olajide African Action Congress (AAC) presidential candidate, wey be senior man activist, Omoyele Sowore don appear for Federal High Court for Abuja on Monday after court issue bench warrant for im arrest. Sowore enter the court with members of im group wey carry placards to show support for am. Justice Mohammed Umar bin cancel im bail on June 16 after he no show up for previous hearing, and grant DSS request to issue warrant for im arrest. […]
By : Jolayemi Olajide Di whole UK political ground dey jigijgi, dey shake say Prime Minister Keir Starmer dey wan park im load and gbawadoor, sake of pressure. Junior Education Minister, Jacqui Smith, naim dey sorosoke dis mata, say over thinking kpai di prime minister, Economic pressure everywia Say like all di UK gbeborun dey outside di man house dey for 10 Downing Street, dey wait di man to make di announcement on monday
By: Yusuf Abuh Nor be small tin last card fever dey do, wey wi dey call Lassa fever. According to di NCDC, di sickness don kill 214 pipo, for di past 23 weeks. Di latest Lassa Fever Situation Report wey cover Week 23, from June 1 to June 7, 2026. Dis death rate na big jump up from di 18.9 per cent weydi NCDC record for 2025. NCDC everbodi gat to be careful oh, cause dis diseases dey spread wetin […]
For World Cup matches on Sunday, Belgium and Iran play very tough game wey end 0–0 as both teams no fit find breakthrough. Uruguay and Cape Verde follow play correct football wey end 2–2, with Cape Verde again show say dem no be underdog wey people fit just push aside. Di results show say big teams no fit relax again as smaller nations dey challenge dem well-well for pitch.
Iran don warn United States say make dem “dey careful oh” after Presido, Donald Trump go threaten say im go attack against Iran sake of di war for Hezbollah. Dis warning come as both countries still dey hold peace tuks for Switzerland to try end Middle East war and reduce tension. Iran tuk, tuk, Mohammad Bagher Ghalibaf, say dia military ready oh, any kpoko, dem go do kpaka, and say, dem na people wey dey act, no be just talk. […]
We no be just radio, we be your guy, your gist partner, your street connect! With compassion, community, and comedy, we bring you vibes wey go make sense.
We dey kind for heart, on-time with the gist, near to the people, family by nature, always available, and plenty more!
Anywhere you dey, anytime, Konfam dey for you!
This will close in 0 seconds
