Iran tell America make dem Gree to dia Demands to end War

Iran don tell America make dem gree to dia demands if dem really want make Strait of Hormuz open again, after US President, Donald Trump, talk say progress dey happen to end di eight-month war between both countries.

Iran Foreign Affairs Minister, Abbas Araghchi, tell Iran state news agency, IRNA, on Tuesday say dem no fit end di war by military action or by increasing sanctions.

E talk say di only way to end di conflict na for America to show respect, agree to diplomatic talks and consider all di conditions wey dem don put forward.

Iran don propose to reopen Strait of Hormuz within two days, but e want America to first agree to several conditions.

Di conditions include ending di war for all fronts, releasing dia money wey America don freeze, removing sanctions on Iranian oil and ending di US blockade of Iranian ports.