Listeners:
Top listeners:
play_arrow
KonfamFM 89.5 We Dey For You
Mohamed Salah don announce say e go comot from Liverpool at di end of di season. E post di news for im Instagram page. Since 2017, Salah say, im and di club don make plenty history. E score 255 goals for 435 matches and win Premier League Golden Boot four times.
Former Brazilian Presido, Jair Bolsonaro don get temporary house arrest after im hospital stay for bronchopneumonia. On Tuesday, Alexandre de Moraes tuk say im approve 90 days house arrest for humanitarian reason, an dem fit extend if medical need dey. Bolsonaro, wey dey 71, dey serve 27-year jail sentence wey court give am for 2022 attempted coup. While im dey hospital, im announce say im pick im pikin, Flavio Bolsonaro, […]
US Presido Donald Trump again say dem still dey try negotiate with Iran, even as Iran yarn say di tuks na fake news. According to report U.S and Israel sti attack Iran yesterday, and for one strike for south Tehran, at least 12 pipo kpai and 28 wunjor. Iran and Hezbollah sti fire new set of missiles reach Israel, including Tel Aviv and di north, kpaing one person and wunjor […]
Federal Gornment say sorry to Nigerians, say dem fail to meet up for power supply. Oga Minister of Power, Adebayo Adelabu, tuk dis one for press conference wey e hold, take explain im achievements for di past three years for di office. E say wia di gbege take hapun na because of no gas supply based on plenty money wey dem owe di gas suppliers. Adelabu still con go tuk […]
Federal Gornment don approve say dem go release N32 billion to health facilities under di Basic Health Care Provision Fund. Coordinating Minister of Health and Social Welfare, Muhammad Ali Pate, tuk dis one for dia quarterly meeting dem hold to check how health sector dey work under President Bola Tinubu health renewal project. Pate talk say di money wey dem dey release through BHCPF go reach health facilities across di […]
Aspirants Screening Committee of All Progressives Congress National Convention 2026 on Tuesday don screen party National Chairmo Nentawe Yilwatda for APC National Convention 2026. Committee wey Biodun Oyebanji lead for Abuja ask Yilwatda make e take bow, as dem praise am for im leadership. Say di screening na for aspirants wey don buy and submit dia Expression of Interest and Nomination Forms, as dem dey prepare to contest for different […]
Naija and Switzerland don agree to make dia palship strong for trade, skills, migration, security, and culture matas. To show workings, dat like dis now, Switzerland don promise to return Benin bronzes and artefacts to Nigeria. Vice Presido, Kashim Shettima na dey convasate dis mata when e meet im Swiss counterpart, Ignazio Cassis, for Abuja airport on Tuesday. Dem tuk about possible free trade between Nigeria, AfCFTA, and Switzerland, plus […]
Vice Presido, Kashim Shettima on Wednesday for Abuja don go receive Zamfara State Governor Dauda Lawal and im supporters into All Progressives Congress (APC) on behalf of oga Presido, Bola Tinubu. Oga vice Presido yarn every every for di ceremony, say Tinubu dey work seriously through security agencies to end di insecurity for di obodo naija. Shettima explain say Lawal joining APC, e go hellep beta collabo and support efforts […]
Oyo State Govo, Seyi Makinde, don dismiss report say, im nor dey comot from Peoples Democratic Party (PDP). Di mata of im defection, come out, few days afta Makinde, Peter Obi and Seriake Dickson waka meet Rabiu Kwankwaso for Kano. Im clear dis mata for meeting with PDP people from all di 33 Local Government Areas for Ibadan. Makinde say, PDP still dey strong, and di party go still take […]
Lagos State Gornment say, like dis now dem dey expect nothing less than 40,000 tourists and pipo wey go participate for di 2026 Lagos Fanti Carnival. Madam Commissioner for Tourism, Arts and Culture, Toke Benson-Awoyinka, na im dey yarn dis one for news tuk on Tuesday. Madam Commissioner say security go mount every wia for di event wey go hold on April 6, 2026, for Tafawa Balewa Square (TBS), Lagos. […]
We no be just radio, we be your guy, your gist partner, your street connect! With compassion, community, and comedy, we bring you vibes wey go make sense.
We dey kind for heart, on-time with the gist, near to the people, family by nature, always available, and plenty more!
Anywhere you dey, anytime, Konfam dey for you!
