Listeners:
Top listeners:
play_arrow
KonfamFM 89.5 We Dey For You
By: Esther Ayoola US Presido, Donald Trump, don comot body for Iran peace deal, say dia terms nor make sense at all. Like dis, trump rejection, don dey increase fear say, gbege fit start again for Tehran. Earlier on Sunday, Iran reply US last peace proposal, but warn say dem fit retaliate if US carry out any new attack. Iran also tuk say dem no go allow more foreign warship enter Strait of Hormuz.
By: Esther Ayoola Barcelona don carry dia 29th Spanish league title afta dem beat Real Madrid 2-0 for Sunday Clasico match. Marcus Rashford and Ferran Torres naim score for first half, help Hansi Flick boys seal di La Liga title for back-to-back years. Di win put dem 14 points clear for table with only three matches remaining, so nobody fit catch dem again. E also mean say Real Madrid go end di season without any trophy.
By : Jolayemi Olajide Federal Gornment don introduce new movement to fight drug and substance abuse for secondary schools across Nigeria. According to a statement by Minister of Education, Tunji Alausa, Under the new policy, all new students wey gain admission into secondary school go undergo compulsory drug test before dem fit fully enter school. Gornment also tuk say any student wey continue to test positive after treatment and rehabilitation fit face temporary suspension. Di new guideline aim to reduce […]
By: Esther Ayoola Oga govo of Naija number one business State, Babajide Sanwo-Olu, like dis, don wire call to everybody for Africa entertainment industry make dem join hand fight piracy, fight all di oles of creative work. Di Lagos number one man, yarn dis one for di 12th edition of Africa Magic Viewers’ Choice Awards wey selle for Lagos. According to Sanwo-Olu, say, if dem leave all dis Creative oles, dem go spoil business for filmmakers. E sha charge di […]
By: Esther Ayoola One political group wey call demselves, Renewed Hope Network (RHN), Lagos branch, don endorse di number one man of Naija, President Bola Tinubu, to run again for 2027 election. Dem also support Lagos Deputy Governor, Dr Obafemi Hamzat, to run for Lagos governorship for 2027. Di group make dis announce for prayer meeting wey dem hold for Tafawa Balewa Square for Lagos Island, wia big political mehns and women gada, including Senators Abdul’aziz Yari and Rep. James […]
By: Esther Ayoola Di Managing Director of di Nigerian Ports Authority, Abubakar Dantsoho don share ogbonge update say Naija maritime sector dey experience beta growth, dat cargo movement increase and more big ships dey enter Nigerian ports now. According to statement wey Maritime tuk, tuk person, Ikechukwu Onyemekara release for Lagos, Gross Registered Tonnage rise by 19.5 per cent reach 46.75 million. Dantsoho explain dat, di increase show how international shipping companies dey put dia trust for Nigerian ports and […]
By: Esther Ayoola Former Osun state Govo, Rauf Aregbesola don clear di air, say e sti dey with African Democratic Congress and no plan to go back to im ex, All Progressives Congress. Im yarn dis one for meeting inside Ilesa on Sunday, Aregbesola tell party members from all 332 wards say rumour about im return to APC na pure lie. Di former Osun State govo sti use di meeting present Dr Najeem Salaam as ADC governorship candidate for di […]
By : Jolayemi Olajide A yet-to-be-identified part-time political science student of di University of Benin (UNIBEN) don reportedly kpai after im collect bullet inside im car for main gate, Ugbowo campus. According to video wey surface online, dem kpai di student shortly after im finish semester exam, though authorities never fully Konfam that part of the story. UNIBEN management don distance students and staff from di incident, saying di shooting fit connect to suspected cult-related activities outside di campus or […]
By: Esther Ayoola Vice Presido, Kashim Shettima don assure, say Federal Gornment go reach out to important stakeholders make dem pass ogbonge amendment bill to change Naija administration wey dey before National Assembly. Say dis bill go change name of Institute of Chartered Secretaries and Administrators of Naija (ICSAN) to match modern governance level and also expand dia doings. Shettima tuk dis one when ICSAN delegation led by Presido and Chairmo of di Governing Council, Uto Ukpanah visit am for […]
We no be just radio, we be your guy, your gist partner, your street connect! With compassion, community, and comedy, we bring you vibes wey go make sense.
We dey kind for heart, on-time with the gist, near to the people, family by nature, always available, and plenty more!
Anywhere you dey, anytime, Konfam dey for you!
Â
This will close in 0 seconds
